陳生岩岩終於都問左我同唔同佢一齊呢.......佢送左份禮物俾我.....睇完之後我只係覺得....低能......係佢太過自信心定係佢真係覺得我會咁易鍾意一個人呢???

如果張卡個句說話係你對我講我一定會話我願意.....不過唔係呢.....

又同陳生繼續傾電話呢....一路傾電話一路同海海msn...一路打xg....一路上網....搵咁多野做目的只有一個.....

如果而家我問baby....唔知佢會答我咩呢????

baby岩岩話我知打完個xg...不過我冇勇氣入去睇.....唔好要我知道一d我唔想知道嘅事....

如果開口開左可能連朋友都做唔返....而家咁咪好囉.....曖曖昧昧咁....佢又冇壓力....又唔駛為我擔心...."人地冇擔心你好耐囉我心諗".......

同一個自己唔鍾意嘅人一齊有意思咩????嘩嘩嘩呢句野好似問緊自己一樣囉= ="

我都係鍾意避.....我好想知baby尋晚去左邊...都好想睇佢xg....不過有d野真係唔知好d...

我真係覺得佢尋晚冇返屋企......冇返屋企唔係一個問題....問題係我覺得佢上左人地屋企個下死嘛.....呢種感覺係未試過有咖.....點解我唔可以叻d分手分得狠d....

點解明明咁愛都仲自己講分手????而家人地唔係我唔喇...佢唔再係我咖喇...人地去邊你理到咩.......唔睇唔睇呀><又對住個電腦冇啦啦喊喇....都唔知喊咩....痴線咖><

我諗陳生再對我多一日都隨時會嚇死...冇啦啦講講下都喊一餐.....

死邊青同返我一齊好唔好呀??????如果你睇到就答我一句好啦......邊有可能睇得到丫.....唉

尋日做左一樣我非常唔願意做嘅事.....不過都係因為呢件事令我好似醒覺左呢.....眼見陳生為我打點嘅一切一切...做嘅一切切...如果係baby嘅話應該係一件甜到漏嘅事....但因為人物唔同左所以成件事都變得討厭同煩....到尋晚一刻我都冇話佢地知我同baby分左手....我連自己都唔知自己點解唔肯認...可能真係希望有一日baby會同返我一切....但去到尋晚返到屋企俾我再一次咁睇baby個xg.....我發現原來我做緊一d佢當年都做緊嘅事呢....

個陣已經係點幾鍾喇....我其實好想打俾baby但唔知點解我唔敢打....點解連做朋友都要做到連打個電話都唔敢呢???到最後我send左個sms俾baby....send完之後baby真係冇再覆返我喇....答案亦都好清楚喇.....我應該多謝陳生先岩....因為佢俾我知道原來當一個人唔鍾意你嘅時候你做咩都只會得兩個字討厭....你就算用幾多心機都好....人地都只會覺得你係傻.....我唔知自己有冇能力可以控制到自己唔搵baby....不過當每一次我想搵佢嘅時候....我會諗到佢覺得我煩嘅時候.....我又會唔敢再搵喇.....baby唔覆我嘅原因可能係連佢都認同我個sms掛....點都好啦...我真係唔想要勉強佢做一d佢唔想做嘅事....

對我黎講返到屋企一個sms一句說話一個令我安心嘅"我返到屋企喇"....我真係覺得係一個簡單嘅動作呢....send一個sms令到對方可以放心其實係咪真係咁難呢???分開左之後我一直都無論去邊都會話俾baby知....但我從來都冇問過佢想唔想知....每一日叫佢起身send sms俾佢...但我都從來冇問過baby係咪真係需要.....陳生尋晚同我講可以用7日時間令我放低baby....我笑左出黎....佢問我笑咩....我答佢如果可以7日就放得低到baby...絕對唔係因為係你嘅能力......

如果個一晚我冇同baby講分手....我同佢係咪會比而家更辛苦呢???今日之後我覺得baby唔會再搵我....令我再一次諗返起"我唔搵你好閒之嘛"呢句說話.....可以做得到嘅人我諗真係冇幾多個....我唔知用咩方法先可以令我冇時間得閒搵baby....唔係唔想搵而係唔想再騷擾到人地喇....好耐都好似冇喪玩過喪飲過呢.....仲記得上一次你用咩方法令自己唔搵方生嗎????

可能真係要好似我平時同人咁講....俾你個男人玩夠佢就知邊一個先係最好....如果佢到最後都唔返你身邊....絕對唔係因為你對佢唔好...而係佢唔需要人地對佢好....我總覺得baby仲有鍾意我...可能得好少好少....不過我話過只要一日佢仲有丁點鍾意我,我都唔會放棄.....就俾佢玩夠先再諗...呢段時間我就好好準備下自己.....

若有一日我真係對你死心....係因為我真係已經完全感覺唔到你有一丁點鍾意我....人碎仲可能救得到...但心死就真係好難救....